പാതിരയെ പ്രണയിച്ചയെന്നെ
നിദ്ര നിര്‍ദയം കയ്യൊഴിഞ്ഞു.
പുസ്തകത്തില്‍ മുഖം പൂഴ്ത്തിയയെന്നോടു
പഴയ പേനകള്‍ക്കും കൊപമെന്നറിയുന്നു...

വെളിച്ചത്തെയാശ്ലെഷിച്ചയെനിക്കെതിരെ
ഇരുട്ടു വക്കാലത്തു തുടരുകയാണ്
കവിളിനെ താങ്ങാന്‍ ഇടം കൈക്കു
ശക്തി പോരത്രേ...

മൂന്നുരൂപയ്ക്കു വാങ്ങിയ പുതിയ
പേന, മഷി തുവര്‍ത്തിക്കളഞ്ഞു
പണി നിര്‍ത്തി...
പഴയതുകള്‍ക്കെന്നോടു കെടുവാണല്ലോ...|

എത്ര ഞെക്കിയാലും പിണങ്ങാത്ത
കട്ടകളോടു; പേനകള്‍ തോറ്റ്പോകുന്നുവോ...
എഴുത്തു മറന്ന വലതനും; ഇടതനും
ആവേശത്താല്‍ 'കുത്തി' മറിയുമ്പോള്‍

കട്ടകളെന്‍റെ കണ്ണിലെ തെളിച്ചമൂറ്റുന്നു... :(